'Operasyonê tedvetişî û mesela kurdan'
Ardimkerdoxê Serekê Peroyî ya HUDA PAR’î(Partîya Dawa ya Azad) û Serekê Naskerdişê Medyayî Abdurahman Censî Batman de bi nameyê “Operasyonê tedevetişî û mesela kurdan”sero yew semîner da. Censî seminer de Muhendîsîya İqnakerdişî û Operasyonê tedevetişî, şarî sero senî tesîr keno ey sero vindert.
Semîner Merkeza Kulturîya Batmanî de salona konferansî de awan bi. Teşkîlata sûk û qezayi Batmanî ya HUDAPAR’î, Temsîlkarê Batmanî ya Hak-îş’i û gelekî temsîlkarê STK’yan amey bî.
Semîner tîlaveta Kur’an-î Kerîm rey dest bide kerd. Badî Ardimkerdoxê Serekê Peroyî ya HUDAPAR’î Abdurahman Censî “Operasyonê tedevetişî û mesela kurdan” sero yew semîner da.
Censî va;” Seserra newa, seserra enformasyonî ya. Goreyê vateyê sosyologan, semedo ke kê merdiman bigîrê bine tesîrê xo, hirê rayîrî esti.Ya ti gere bitersnê ya ti gere bierînê ya zî ti gere bidê bawerîkerdiş. Nika çîyo ke ma televîzyonan de ya zî rojnameyan de veynenê bawerîkerdiş o. Ê ke ney gureyî kenê inan ra vanê ‘Tekilîya Şarî’. (Halkla İlişikler) Eke şima hişê xo bidê ser hema hema heme şîrketanê girdan de Mudurtîya Tekilîya Şarî esta. Partîyanê sîyasîyan de zî semedo ke xeberanê partîya xo biresnê millete ‘Serekîya Tekilîya Şarî’ esta. “
“Rojaneyê tayînan ganî rojaneyê ma nêbo”
Censî derheqê nameyê Ocalanî yo ke Newrozê Amed de ame wendiş wina va;”No di-hîrê hewtwyo behsê nameyê Ocalani beno. Goreyê vateyê înan no name, yew nameyo tarixî yo. . Goreyê vateyê înan zaf çîyo muhîm o û yew goma pîl a. Labelê no name de çîyekî nêvejîya. Beno ke tayî televizyonan de behsê ney nameyî bibo. Rojaneyê tayînan ganî rojaneyê ma nêbo. Rojaneyê ma ganî programê partîya ma bo. Seba ey, operasyonê tedevetişî senî beno ma gere bizanî û sey înan nekê. Tayî cayan de Operasyonê tedevetişî ra vanê, ‘Herbo Psîkolojîk ,Operasyono Psîkolojîk, Muhendîsîya İqnakerdişî’ Yew sîyasetvanê Amerîkayijî wina vatênê; ’Çewt ya zî raşt muhîm nîyo. Muhim o yo ke însanî bawerîya çî kenî.’
“Muhendîsîya Îqnakerdişî”
Tedevetiş te semedo ke însanan bidê bawerkerdiş, hîrê formulî estî. Muhendîsîya Îqnakerdişî çira vajîyeno? Matematîk te formulî estî. Eger şima ê formulan rey şorê şima net yew cewab gênê. Formulê propaganda zî wina yî. Ney ra vanê muhendîsîya îqnakerdişî ya zî muhendîsîya şarî. Mesela, Îlon de rucmê kuleyanê diletan bı û Amerîka şaş bî. Dinya de êdi bawerîya Amerîka nêmendbî. Amerîka va;’Nê qatîlê pêçakanî ' û înan û misilmanî kerdî yew. Şarî îqna kerd û Afganîstan îşgal kerd.
“Dewletî zî sey rêxistinan operasyonê tedevetişî kenî”
Censî derheqê operasyonê tedevetişê Amerîka wina va;” Amerîka va, Irak de kîmyasal esto û eşkena heme cayê dinya de gedan bikşo. No sebeb ra Irak de operasyon kerd û girewt xo dest. Bêxêca dewletan ê ke karê polîtîka, sînema û tucarey kenê, reklamanê xo de operasyonê tedevetişî kenî.”
“Operasyonê tedevetişê fîlman”
Censî derheqê operasyonê tedevetişê fîlman de wina va; “Filmê Tirkan meleyan; çikûs, sextekar û pilint nawnenî. Nê fîlman temsîlkarê islamî , hecîyan, xocayan û seydayan tim û tim xirab nîşan da. Mesela fîlmê Kemal Sûnalî zafî nuşteyê Azîz Nesînî yê.Nuşteyê ey girewtî fîlm kerdî.
“Operasyonê tedevetişê Îmralî”
Nameyê Abdullah Ocalanî çi sebeb ra bi 'îmralî'. Medya de no 2-3 serrî yo' Abdullah Ocalan' nêvajîyeno, 'Îmralî' vajîyeno.Wexto ke Îmralî vajîyeno, awe yena mi vîrî, şênayî yena mi vîrî. Hêç qatîlê pêçekan ya zî înfazkerdoxê 15 hezan merdiman nîno mi vîrî. Gelo çirê wina bi? Eceba xeletey bî? Ney, caran xeletey çinya. Na bazarey mîyan de Hukumatê Tirkîya zi esto. 2011 ra pey Ocalan nêvajîyeno, Îmralî vajîyeno. Wexto ke Abullah Ocalan vajîyeno, teror yeno kê vîrî, kiştişê 40 hezar merdiman yeno kê vîrî û yew kemasî yena kê vîrî. Wexto ke Îmralî vajîyeno, belkÎ çîyo baş nêro kê vîrî labelê çîyo xirab zî nîno kê vîrî. Nê çî pêro tedevetişî.
"5 ra 1 senî beno temsilkarê kurdan"
Censî derheqê PKK û HDP'yî de wina va;"Nika seba PKK û HDP yew bazaro gird virazîyayo. Înan ra vajîyeno 'Hereketa Kurdan a Sîyasî'. Seba PKK, mîlîtarîst û hereketa sosyalîstana kurdan vajîyeno. Tirkîya de 75-77 mîlyonî însanî estî. Înan mîyan de 25 mîlyonî kurdî estî. Rayî HDP'yî 2,5 mîlyonî yo.Ma vajî 2,5 mîlyonî zî gedey estî ,kerd 5 mîlyonî. Yanî 5 ra 1. Eger 5 ra4 bibînê o wext ma şênaynê vajê HDP hereketa sîyasî ya kurdan a. 5 ra 1 ray girewta, senî bena temsîlkarê kurdan. Nê teknîkê bazarîyê." (ÎLKHA)