Arinç: Kurdî Ne Zimanê Medeniyetê Ye!

Alîkarê Serekwezîrê Tirkî Bulent Arinç, di beyanata televizyoneke Tirkî de anî ziman ku perwerdehiya bi zimanê zikmakî ji bona Kurdî ne mumkin e.

Di beyanata xwe de Arinç anî ziman ku makeqanûna Tirkî ji bona perwerdeya bi zimanekî din musa’dê nade. Heger bide jî ji bona Kurdî ne mumkin e ku bi Kurdî perwerdehî bê kirin.

Li aliyekî din Arinç got ku Tirkî zimanê medeniyetê ye; lê belê Kurdî ne zimanê medeniyetê ye.

Li ser vê gotinê Arinç ji aliyê Kurdan ve hat rexnekirin.

Di vî warî de Kovara Kelhaamed û Malpera Bangaheq jî beyanatên alîkarê serekwezîrê Tirkî Bulent Arinç şermezar kirin.

Di beyanatê de wiha hat gotin: “Em Arinç şermezar dikin û bangê li Kurdan dikin ku li zimanê xwe xwedî derkevin.”

Di dewama beyanatê de wiha hat gotin: “Bêhna Irkperestiyê ji beyanatên Arinç tê. Digel vêna heqaret li gelê Kurd hatiye kirin, wek sinifa diduyan hatine dîtin… Em Arinç ji ber van beyanatên wî şermezar dikin û bangê lê dikin ku ji Xwedê û gelê Kurd ‘efwê bixwaze. Digel vêna, di kîjan baweriyê de bin, em ehlê hemiyetê de’wetî yekîtiyê, hezkirina hev, xwedîderketina li ziman û bona zimanê Kurdî ji bona zarokên Kurd bibe zimanê perwerdehiyê de’wetî xebatê dikin.”   (Azad Rastan/ Bangaheq)